MWENYEMACHO DOT COM

Yanapojiri Nilipo na Wewe Upo

Archive for the ‘Ushairi’ Category

HAPA NDIO ‘HOME’ BWANA

Posted by Bob Sankofa on February 8, 2008

sauti-2-067_maulidi-ya-home.jpg

Jamaa wanajiita Maulidi ya Home ya Mtendeni. Ni sehemu ya utamaduni wa watu wa Zanzibar. Huwezi kuzungumzia muziki wa jukwaani bila kuwataja mara mbili-tatu hawa jamaa. Wanapiga madufu na kuimba. Uchezaji wao ni huku wakiwa wameketi kitako. Safi sana.

Posted in Africa, Art, Bongo, Burudani, Festivals, Fotografia, Kazi, Kimataifa, Matamasha, Music, Muziki, Photography, Poetry, Sanaa, Tanzania, Ushairi | Leave a Comment »

MRISHO AENDELEZA LIBENENGE

Posted by Bob Sankofa on February 8, 2008

sauti-2-048_mrisho-2.jpg

Nilishasema mshairi wa hapa nyumbani, Mrisho Mpoto, baada ya kusota sana hatimaye sasa anaanza kula matunda ya uvumilivu wake. Jamaa ni mtu wa kujinafasi kwenye majukwaa ya kimataifa tu sasa.

sauti-2-066_mrisho-1.jpg

Cheki anavyomuenzi somo yake, marehemu Mzee Shaaban Robert kwa kumwaga ubeti mmojawapo wa lile shairi lake la “Titi la Mama”

Posted in Africa, Art, Bongo, Burudani, Festivals, Fotografia, Kazi, Kimataifa, Matamasha, Music, Muziki, Photography, Poetry, Safari, Sanaa, Tanzania, Ushairi | Leave a Comment »

HODI HODI ZANZIBARI

Posted by Bob Sankofa on February 6, 2008

stage-prep-kwame-collection.jpg

Haya tena, lile tamasha kubwa la muziki hapa Afrika ya Mashariki na Kati, Sauti za Busara limewadia tena. Linaanza kesho tarehe 7 na litakwisha tarehe 10. Mwenye Macho kama kawa nitakuwepo kukuletea yanayojiri pale.

Napenda kuwashukuru nyote mliotoa maoni kuhusu onesho la Mutukuzi.

Haya mabinti wa pale Zanzibari mnitayarishie maji ya kuoga yenye iliki. Inshaalah Rabuka akijalia tutakuwa pamoja kuanzia kesho asubuhi na mapema, naja na boti la kwanza kabisa.

Posted in Africa, Art, Bongo, Burudani, Fotografia, Kazi, Kimataifa, Music, Muziki, Photography, Poetry, Safari, Sanaa, Tanzania, Ushairi | Leave a Comment »

TUNAMALIZA KAMA TUNAANZA

Posted by Bob Sankofa on February 3, 2008

tuku-168_maliza-kama-unaanza.jpg 

Kitu kingine cha kufurahisha kuhusu onesho la Tuku ni ile staili yake ya kumaliza maonesho yake utadhani ndio anaanza. Hapa alikuwa anapiga wimbo wa kufungia onesho. Wimbo aliopiga hapa uliwafanya watu wote kuinuka vitini na kulisakata dansi, alipomaliza na kutoweka jukwaani watu wakajua amekwenda kubadili nguo kumbe onesho ndio limeyoyoma. Nimemkubali Tuku, amepiga shoo, ukiondoa waliomsindikiza, kwa takribani masaa mawili, akiimba – kupiga gita – na kucheza, kwa masaa mawili bila hata kuomba maji. Huu ndio uanamuziki. Asante Mtukuzi, asante kwa waliomleta Mutukuzi.

Posted in Africa, Art, Bongo, Burudani, Fotografia, Music, Muziki, Photography, Poetry, Sanaa, Tanzania, Ushairi | 5 Comments »

HEBU FANYA NYONGEZA KIDOGO.

Posted by Bob Sankofa on February 3, 2008

tuku-118_hadithi.jpg 

Moja ya mambo yanayonifanya nipende maonesho hai ya muziki ni ile hali ya kusikia nyimbo zilezile ulizowahi kuzisikia katika radio nyumbani lakini hapa unapata na nyongeza kidogo. Nimesikiliza albamu kadhaa za Tuku na nyimbo alizopiga hapa zote nimewahi kuzisikia lakini vitu alivyofanya hapa sijawahi kuvisikia kwingine kokote. Kwa mfano hapa muziki unaendelea lakini haimbi maneno ya wimbo ule ambayo tumeyazoea bali anatoa hotuba kuhusu hali ya Zimbabwe kwa sasa. Jinsi anavyotoa hotuba ile hutachoka kumsikiliza, anaitoa kwa namna fulani ya ushairi hivi na ukiwa na akili ndogo unaweza usigundue kuwa anazungumzia Zimbabwe.

tuku-094_mdadi.jpg

Si unacheki wanamuelewa wanavyopanda midadi ya kufa mtu?

Posted in Africa, Art, Bongo, Burudani, Fotografia, Music, Muziki, Photography, Poetry, Sanaa, Tanzania, Ushairi | Leave a Comment »

MUZIKI MAWASILIANO

Posted by Bob Sankofa on February 3, 2008

tuku-093_muziki-mawasiliano.jpg

Juzi kwa vile nilikuwa karibu kabisa na jukwaa niligundua kwa nini muziki wa wasanii wakubwa duniani huwa ni wa kiwangi cha juu hasa katika maonesho hai. Ugunduzi wangu ni kuwa muziki ni sawa na timu ya mpira ni lazima bendi iwasiliane vizuri ili kupata muziki mzuri. Cheki hapa Tuku anavyowasiliana na mpiga marimba wake.

tuku-142_muziki-mawasiliano2.jpg

Halafu cheki hapa Tuku anavyowasiliana na mpiga tumba wake. Yani ni kama vile wanaambizana, “tuzime muziki sasa” na kweli wanazima muziki. Upo?

Posted in Africa, Art, Bongo, Burudani, Fotografia, Music, Muziki, Photography, Poetry, Sanaa, Tanzania, Ushairi | Leave a Comment »

JIKHOMAN “MIKOSI”

Posted by Bob Sankofa on February 3, 2008

tuku-027_manyika.jpg 

Pia alikuwepo Ras Jikhoman toka kule Bagamoyo. Kaka naye alisimama jukwaa moja na kaka Mutukuzi. Jikho kaanza muziki kama miaka kumi na tano hivi na ameshanyuka sound kwenye majukwaa makubwa ya kimataifa lakini bado anaizungumzia ishu ya kusimama jukwaa moja na Mwafrika kama Mutukuzi kama heshima kubwa kuliko hata zawadi ya muziki ya Grammy ya kule Marekani.

tuku-028_jikho.jpg

Jikho kazini.

Posted in Africa, Art, Bongo, Burudani, Fotografia, Music, Muziki, Photography, Poetry, Sanaa, Tanzania, Ushairi | 1 Comment »

MRISHO NI WA KIMATAIFA SASA…

Posted by Bob Sankofa on February 3, 2008

tuku-012_mrisho-meza-moja.jpg

Akiwa ni mshairi wa siku nyingi, anayejituma bila kinyongo, hatimaye Mrisho Mpoto amefanya sanaa yake ya ushairi jukwaa moja na mfalme wa African Pop, Oliver Mutukuzi raia wa Zimbabwe. Ni heshima ya pekee kuona watu (watayarishaji wa sanaa za maonesho) wanaomtambua Mutukuzi wanatambua pia mchango na umaahiri wa kaka Mpoto hadi kufikia kumualika na kusimama jukwaa moja na kaka toka Zimbabwe. Mrisho na Mutukuzi watakutana tena kule Zanzibar katika tamasha la muziki la Sauti za Busara, http://www.mwenyemacho.com haitacheza mbali kukuletea kitakachojiri kule kuanzia tarehe 7 hadi 10 ya mwezi huu wa Februari.

tuku-016_mrisho-wapashe.jpg

Hapa Mrisho alikuwa akilicharanga lile shairi lake la “Nuru”. Nnachompendea Mrisho ni ile roho yake ya kujiamini. Cheki hapa palivyojaa wazungu lakini jamaa ananyuka shairi kwa Kiswahili, waelewe wasielewe watajiju! Cha kushangaza kwenye mikutano yetu mingi kukiwa na Waswahili 20 na mzungu mmoja tunajitahidi kutumia lugha ile ya yule mzungu mmoja, AIBU!

Posted in Africa, Art, Bongo, Burudani, Fotografia, Music, Muziki, Photography, Poetry, Sanaa, Tanzania, Ushairi | 2 Comments »

NYOMI SI LA KITOTO

Posted by Bob Sankofa on February 3, 2008

tuku-096_nyomi.jpg

Hii ni sehemu tu ya nyomi lililotiririka kwenye onesho la kwanza la Oliver Mutukuzi pale Move n Pick Hotel. Wazungu wa kumwaga, Waswahili wa kuhesabu. Mi ntaendelea tu kusema hadi tubadilike.

tuku-018_haroub.jpg

Kwa nini kila siku useme kwamba una kazi nyingi hivyo sanaa za Waafrika wenzako hazina nafasi kwenye ratiba yako. Wewe ukisema hivyo na Profesa Othman Haroub, mkufunzi wa Sheria katika chuo kikuu cha Dar es Salaam atasemaje? Maana yeye ndo kila siku anakimbizana na tafiti lakini bado hawezi kumkosa “Tuku”, alikuwepo.

Posted in Africa, Art, Bongo, Burudani, Fotografia, Music, Muziki, Photography, Poetry, Sanaa, Tanzania, Ushairi | 2 Comments »

MFALME WA AFRO-POP NDANI YA BONGO

Posted by Bob Sankofa on February 3, 2008

tuku-082_karibu.jpg

Ni heshima kubwa kwa www.mwenyemacho.com kupewa heshima ya kupiga picha kwa ukaribu za mfalme wa Afro-Pop, Oliver “Tuku” Mutukuzi, raia wa Zimbabwe. Niheshima kubwa pia kwa Watanzania kuona onesho hai la Tuku, mkongwe wa muziki mwenye albamu motomoto 40 hadi sasa. Mutukuzi yuko Tanzania, amefanya maonesho mawili hapa Dar es Salaam na anakwenda Zanzibar kufanya mengine mawili. Atakuwa Zanzibar kuanzia tarehe 7 hadi 11 ya mwezi huu.

Posted in Africa, Art, Bongo, Burudani, Fotografia, Kimataifa, Music, Muziki, Photography, Poetry, Sanaa, Tanzania, Ushairi | Leave a Comment »

HERI KWA MWAKA MPYA NA A NOVEL IDEA MPYA

Posted by Bob Sankofa on January 30, 2008

heri-ya-mwaka-mpya.jpg 

Washairi wakitakiana mwaka mpya wenye mafanikio kwa kilabu na wakitoa shukrani kwa duka la A Novel Idea kwa kuwapa sapoti ya kutosha kwa mwaka wa tatu sasa. Moja ya lengo ililojiwekea kilabu kwa mwaka huu ni kuhakikisha kinachapishwa kitabu cha ushairi kilichoandikwa na wanakilabu. Heri ya Mwaka mpya.

Posted in Africa, Art, Bongo, Burudani, Elimu, Fotografia, Mikutano, Photography, Poetry, Sanaa, Tanzania, Ushairi | Leave a Comment »

PAUL MATATA SANA

Posted by Bob Sankofa on January 30, 2008

paul-na-mvinyo.jpg

Paul ana vituko sana, yani jamaa akiona bilauri lako limepungua kidogo tu ana wewe, saa nyingine anakucheki machoni halafu anajua unataka kuongeza mvinyo lakini unaona aibu hivi, basi anakuibukia fasta na chupa mkononi. Hapa ni baada ya Neema kuingia na kutekwa na majadiliano ya ushairi hadi kujisahau kujihudumia hivyo ikabidi Paul amkumbushe kuwa kuna mvinyo, kwa staili hii. Safi sana ukiwa na wenyeji wa hivi sio unakuwa kama kina sisi, tunakukaribisha one time ukijivunga sisi tunasonga.

Posted in Africa, Art, Bongo, Burudani, Elimu, Fotografia, Mikutano, Photography, Poetry, Sanaa, Tanzania, Ushairi | 1 Comment »

USHAIRI NA MVINYO NI CHANDA NA PETE

Posted by Bob Sankofa on January 30, 2008

curthbet.jpg 

Mratibu msaidizi wa Kilabu cha ushairi na pia mtunzaji wa blogu ya kilabu, kaka Curthbet, akisoma shairi liloandikwa na dada Caroline. Ni shairi fupi lakini inabidi ulisome mara kadha kuweza kung’amua mwandishi alikuwa wakiwasilisha kitu gani, mvinyo unafungua ubongo wako kwa haraka ndio maana kaka alihakikisha hachezi nao mbali. Pale kushoto ni mchpishaji maarufu wa vitabu, mama Demere.

Posted in Africa, Art, Bongo, Burudani, Elimu, Fotografia, Photography, Poetry, Sanaa, Tanzania, Ushairi | Leave a Comment »

SAMAHANINI NIMECHELEWA

Posted by Bob Sankofa on January 30, 2008

samahani-nimechelewa.jpg 

Mratibu mkuu wa kilabu cha washairi hapa Bongo, Neema Kambona, aliingia amechelewa kidogo, nafikiri ni sababu ya ile kitu inaitwa foleni za magari. Aliingia tayari shairi moja likiwa limeshasomwa. Aliomba radhi kwa kuchelewa kwake “kwa sababu zilizo nje ya uwezo wake” 🙂 na pia tulimpatia nafasi ya kulisikia shairi lililompita tayari. Paul na Sarah, wamiliki wa maduka ya A Novel Idea, wakimsikiliza Neema akiomba msamaha.

Posted in Africa, Art, Bongo, Burudani, Elimu, Fotografia, Photography, Poetry, Sanaa, Tanzania, Ushairi | Leave a Comment »

UNAPOZUNGUMZIA NAFASI YA KUTOSHA…

Posted by Bob Sankofa on January 30, 2008

washairi-na-2008.jpg 

Duka hili la A Novel Idea ambalo limekuwa na msukumo mkubwa sana kuhakikisha kilabu cha washairi kinakuwa hapa nyumbani linavyoonekana kwa ndani. Huu ni upande mmoja tu wa duka sasa fanya ukubwa huu mara nne ndio upate duka zima. Cheki hawa jamaa walivyojiachia.

Posted in Africa, Art, Bongo, Burudani, Elimu, Fotografia, Photography, Poetry, Sanaa, Tanzania, Ushairi | 1 Comment »

WASHAIRI BONGO WAPATA MAKUTANO MAPYA

Posted by Bob Sankofa on January 30, 2008

a-novel-idea-mpya.jpg 

Hatimaye wanaklabu wa ushairi wa Bongo, Fanani Flavor Club, wamekutana kwa mara ya kwanza jana tangu mwaka huu uanze katika duka jipya la A Novel Idea lililofunguliwa pale Shopper’s Plaza. Zamani walikuwa wakikutana kule Sleep Way. Makutano haya ya sasa yana nafasi kubwa zaidi kwa washairi kukuruka wanavyoka na ni rahisi kufikika kwa watu wasio na usafiri binafsi. Shukrani kwa A Novel Idea.

Posted in Africa, Art, Bongo, Burudani, Elimu, Fotografia, Mikutano, Photography, Poetry, Sanaa, Tanzania, Ushairi | Leave a Comment »

MPIGIE KURA IMAM

Posted by Bob Sankofa on January 13, 2008

mpe-shavu-imam.jpg 

Sasa basi, kabla sijasahau, waandaaji wa shindano hili walitudokeza kwamba Watanzania tunaweza kupeleka washiriki wawili kule bondeni na mshiriki anayepewa nafasi kubwa ni Imam Abbas, mshindi wa pili kwa hapa nyumbani. Kumpeleka Imam kule bondeni bonyeza hapa na umpigie kura ili tuwe na wawakilishi wawili pale kusini na kujiwekea nafasi kubwa ya kushinda ile mizawadi. Ni hayo tu!

Posted in Africa, Art, Bongo, Burudani, Fotografia, Music, Muziki, Photography, Sanaa, Tanzania, Ushairi | 2 Comments »

FULL SHANGWE

Posted by Bob Sankofa on January 13, 2008

mashabiki-wa-rage.jpg 

Mashabiki wa Rage wakimpa jamaa sapoti wakati wa mpambano

Posted in Africa, Art, Bongo, Burudani, Music, Muziki, Photography, Sanaa, Tanzania, Ushairi | 1 Comment »

MAMBO YA KURA BWANA…

Posted by Bob Sankofa on January 13, 2008

mshindi-ni-rage.jpg 

Rage alipomaliza kura zikapigwa ili kumpata mshindi. Kura za mapilato wote watatu zikamwangukia Rage. Kwa mantiki hiyo Rage ndiye mwakilishi wetu kule “bondeni” katika shindano hili la SPRITE EMCEE AFRICA. Hongera sana Rage, tunategemea utarudi na ushindi huo mnono

Posted in Africa, Art, Bongo, Burudani, Fotografia, Music, Muziki, Photography, Sanaa, Tanzania, Ushairi | Leave a Comment »

RAGE AKAJIBU

Posted by Bob Sankofa on January 13, 2008

rage-akimchana-imam.jpg 

Baada ya Imam kumaliza ikawa ni zamu ya Rage kutoa vidonge vyake

Posted in Africa, Art, Bongo, Burudani, Fotografia, Music, Muziki, Photography, Sanaa, Tanzania, Ushairi | Leave a Comment »

KAZI IKAWA KAZI

Posted by Bob Sankofa on January 13, 2008

imam-akilianzisha.jpg 

Fainali ikawadia, kutoka watu 71 wakabaki hawa jamaa wawili, kushoto ni Rage na kulia ni Imam Abbas. Ikarushwa shilingi na Imam akalianzisha. Cheki anavyompasha Rage. Yaani huu mchezo ni kama ule tuliokuwa tunauita malani wakati tuko wadogo, kwa waliosoma Muhimbili shule ya msingi watakuwa wanajua nazungumzia nini.

Posted in Africa, Art, Bongo, Burudani, Fotografia, Music, Muziki, Photography, Sanaa, Tanzania, Ushairi | Leave a Comment »

WAKONGWE WALIOWAKILISHA

Posted by Bob Sankofa on January 13, 2008

 wakongwe-waliowakilisha.jpg

Hawa ni baadhi ya wakongwe wengi waliokuja kushuhudia mpambano huu wa kumtafuta kinara wa mitindo huru kwa hapa Tanzania. Kushoto ni Adili wa Chapa Kazi na mwenye nywele msokoto ni Joh Makini au Mfalme

Posted in Africa, Art, Bongo, Burudani, Fotografia, Music, Muziki, Photography, Sanaa, Tanzania, Ushairi | Leave a Comment »

CHEKI “VIFANYIO” VYA CHANNEL O

Posted by Bob Sankofa on January 13, 2008

kamata-matukio.jpg 

Bado una swali kuhusu swala zima la Channel O kuwa na vipindi venye ubora wa hali ya juu? Angalia mashine wanazotumia, kamera HD, halafu angalia mtu anayeselebuka nayo, babu wa miaka iliyotosha. Nina hakika huyu babu atakuwa na uzoefu wa kuselebuka na kamera kwa miaka isiyopungua 30. Upo?

Posted in Africa, Art, Bongo, Burudani, Fotografia, Music, Muziki, Photography, Sanaa, Tanzania, Ushairi | Leave a Comment »

MPOTO TULIKUWA NAYE TENA

Posted by Bob Sankofa on December 27, 2007

mpoto_des.jpg
Katika kufunga mwaka na utamaduni wa WAPI tulifanikiwa ‘kumtia nguvuni’ mshahiri matata hapa nyumbani, Mrisho Mpoto na tulifanikiwa pia ‘kumshurutisha’ atupe utenzi japo mmoja. Hakutukopesha akafanya mambo na akanyuka shairi lake lenye urefu wa kama dakika kumi na tano hivi, ile kumaliza tu watu wote vinywa wazi kwa jinsi jamaa alivyo na uwezo mkubwa wa kukariri mashairi yenye urefu wa kukatisha tamaa. Cheki jamaa alivyo na mzuka hadi kobadhi limemvuka.

Posted in Africa, Art, Bongo, Burudani, Elimu, Fotografia, Mikutano, Music, Muziki, Photography, Sanaa, Tanzania, Ushairi | 1 Comment »

UNAMKUMBUKA ASHA?

Posted by Bob Sankofa on December 14, 2007

wamkumbuka-asha.jpg

Asha Mtwangi. Ushawahi kulisikia hilo jina? Wapi? Unamfahamu Asha? Unamfahamu kama nani? Ulimsikia kwa mara ya kwanza wapi? Unajua anapendelea nini baada ya kazi? Anasoma vitabu vya aina gani na anasikiliza muziki upi? Chakula akipendacho je? Tafadhali kuwa wa kwanza kutujibia maswali haya na hiyo ndio itakuwa moja ya zawadi yako kwetu kwa sikukuu ya Noeli na ile ya Mwaka Mpya 🙂

Posted in Africa, Art, Bongo, Elimu, Fotografia, Photography, Sanaa, Tanzania, Ushairi, Wadau | 6 Comments »

IRENE HANA UTANI

Posted by Bob Sankofa on December 8, 2007

irene-wanamakumbusho.jpg

Irene Sanga na wanangoma wa kijiji cha Makumbusho wakifunga kazi. Kama ulikuwepo jana jioni utakubaliana nami kuwa Irene alipiga shoo utadhani tumelipia. Hii ni dalili nzuri kuwa siku tukiambiwa tulipie onesho la dada hatatuangusha.

Irene huwa hapendi kuitwa mwanamuziki kwani huwa anasema yeye ni zaidi ya hapo. Unajua kuwa dada mbali ya kufanya muziki na ushairi, pia ana diploma ya kucheza ngoma za asili toka pale Chuo cha Sanaa Bagamoyo? Ndio ujue sasa. Kwenye picha hii ndio alikuwa anamaliza onesho. Dada anamaliza onesho utadhani ndio anaanza.

Posted in Africa, Art, Bongo, Burudani, Music, Muziki, Photography, Poetry, Sanaa, Tanzania, Ushairi | 6 Comments »

WANAMAKUMBUSHO TULIKUWA NAO PIA

Posted by Bob Sankofa on December 8, 2007

makumbusho.jpg

Pia wacheza ngoma za asili toka kijiji cha Makumbusho walikuwepo kumpa tafu Irene. Hivi Simbadeo na Luihamu mmeshawahi kuingia pale kijijini au kama ilivyo kwa wengi huwa tunakiona kijiji kwa nje tu tukisubiri basi pale kituoni, Makumbusho? Basi pale kijijini kuna hawa jamaa, hapa walikuwa wakikamua ngoma maarufu toka Zanzibar inayokwenda kwa jina la Kibati. Unacheki mambo ya kuselebuka mpaka chini hayo?

Posted in Africa, Art, Bongo, Burudani, Fotografia, Kazi, Music, Muziki, Poetry, Sanaa, Tanzania, Ushairi | 10 Comments »

VITALIS WA MAEMBE

Posted by Bob Sankofa on December 8, 2007

maembe.jpg

Irene jana hakuwa peke yake, alisindikizwa na jabali la muziki wa sasa wa Tanzania, si mwingine bali mzee wa “Sumu ya Teja”, Vitalis wa Maembe. Jamaa alipiga vibao vipya viwili jana. Ila kuna kitu hakikunipendeza, na lawama napeleka kwa waandaaji wa onesho hili. Swala zima la utayarishaji wa jukwaa halikukaa vyema na kwa kiasi kikubwa lilishusha morali ya watumbuizaji wetu. Kwa mfano, hivi inakugharimu pesa ngapi kukodisha mlingoti wa kipaza sauti (Microphone stand)? Haya mambo ya kushikiana vipaza sauti yani sio kabisa, inakuwa kama vile tuko kwenye mazoezi ya onesho na si onesho halisi. Samahani kaa nimewakwaza.

Well done Maembe.

Posted in Africa, Art, Bongo, Burudani, Fotografia, Kazi, Music, Muziki, Photography, Poetry, Sanaa, Tanzania, Ushairi | 1 Comment »

WAUNGA MKONO WA IRENE

Posted by Bob Sankofa on December 8, 2007

sehemu-ya-nyomi.jpg

Hii ni sehemu ya nyomi lililojitokeza kumuunga mkono dada Irene Sanga. Unajua mirindimo ya muziki wa Irene inatia midadi vibaya mno lakini kuna maneno huwa anayasema kwenye mashari yake ambayo huwa ni mazito kuliko mirindimo ya muziki wake. Basi ikifikia hali hiyo hadhira hutulia tuli na kusikiliza tungo zile. Wala rushwa hutamani kutoka ukumbini lakini ndo washalipia tiketi, wezi hutamani kuejesha walichoiba lakini huona aibu, wapenzi hutamani dunia isifike tamati. We cheki jamaa walivyotega sikio zao, kudadadeki Irene!

Posted in Africa, Art, Bongo, Burudani, Fotografia, Kazi, Music, Muziki, Photography, Poetry, Sanaa, Tanzania, Ushairi | Leave a Comment »

IRENE AADABISHA USHAIRI JUKWAANI

Posted by Bob Sankofa on December 8, 2007

irene.jpg

Irene Sanga, mtunzi na mghani mashairi wa Kitanzania, jana usiku kwenye kituo cha utamaduni wa watu wa Ufaransa kama vile alivyotuahidi katika mwaliko wake, kwamba atalichakaza jukwaa, ndivyo alivyofanya. Hakupoteza muda mwingi kuomba kupigiwa makofi kama ilivyo kwa wasanii wengi wa muziki wa kibongo. Aliingia jukwaani mitaa ya saa tatu kasorobo usiku na kuturusha kisawasawa na mashairi yake yaliyoundwa yakaundika.

Ukimsikiliza kwa undani unaweza ukasema Irene ndiye Bi. Kidude wa wakati wetu, ila sina hakika kama yeye mwenyewe analifahamu hilo, si unajua manabii huwa hawajitambui. Picha hii yuko na Elidadi Msangi, mshirika wake mkubwa katika masuala ya muziki na pia mtayarishaji wake wa sauti.

Posted in Africa, Art, Bongo, Burudani, Fotografia, Kazi, Muziki, Photography, Poetry, Sanaa, Tanzania, Ushairi | 1 Comment »